Meta flet nga Durrësi për inceneratorët: Është përgjegjësi e institucioneve
Presidenti Ilir Meta komentoi nga Durrësi punën e komisionet hetimor, ku sot është thërritur për të dëshmuar kreu i qeverisë Edi Rama.
“Mendoj se në radhë të parë është përgjegjësi e institucioneve të drejtësisë të flasin për këtë cështje dhe për të gjitha cështjet e tjera, mbi bazë të fakteve e provave për të drejtuar besimin te drejtësia të gjithë qytetarëve dhe njëkohësisht për të parandaluar abuzimet e rënda me taksat e qytetarëve me financat publike dhe për këtë kërkohet sa më shumë”. tha Meta.
Presidenti Meta iu përgjigj interesit të gazetarëve në Durrës pas ceremonisë së vlerësimit me Titullin e lartë “Mjeshtër i Madh”, për portierin e spikatur durrsak Vladimir Ajazaj (pas vdekjes).