Zbardhet ngjarja e rëndë në Vlorë

Aktualitet

Janë zbardhur identitetet e çiftit që u përfshi në konfliktin me armë mesditën e sotme në qytetin e Vlorës. Policia sqaron se Fadil Nikaj, 30 vjeçc ka qëlluar me armë zjarri nga këmbët 20-vjeçaren nga Berati. Atij i është sekuestruar arma e zjarrit dhe 2 granata. I riu nga Shkodra kishte dy granata me vete, njërën në çantë dhe tjetrën që e hodhi në lokal. Ndërsa e reja nga Berati është studente me banim në qytetin e Vlorës. K.Z., nga Berati fatmirësisht është jashtë rrezikut për jetën.

NJOFTIMI I PLOTE:

Plagosi me armë zjarri një 20 vjeçare, falë reagimit në kohë kapet dhe arrestohet brenda pak minutash autori i dyshuar i ngjarjes. Sekuestrohet një armë zjarri pistolet dhe 2 granata dore. Më datë 25.09.2021, rreth orës  12:05, në  vendin e quajtur “Bar Cacai”, lagjia “28 Nëntori”, Vlorë është plagosur me armë zjarri shtetasja K.Z, 20 vjeçe lindur në Berat, student në Vlorë, e cila është shoqëruar  për në spital për ndihmë mjeksore, momentalisht jashtë rrezikut për jetën.

Falë reagimit të menjëhershëm të shërbimeve të Policisë është bërë e mundur  kapja dhe arrestimi në flagrancë i autorit të dyshuar të ngjarjes, shtetasi Fadil Nikaj, 30 vjeç, banues në Shkodër. Në cilësinë e provës materiale Policia gjeti dhe sekuestroi armën e krimit me të cilën dyshohet se autori ka kryer plagosjen, një grantë dore në ambientet e lokalit si dhe gjatë kontrollit fizik të ushtruar në cantën e autorit iu gjet dhe sekuestrua një granatë e dytë. Grupi hetimor ndodhet në vendngjarje dhe nën drejtimin e Prokurorisë së Rrethit Gjyqësor Vlorë po vijon punën për zbardhjen e rrethanave të ngjarjes.

Total 0 Votes
0

Tell us how can we improve this post?

+ = Verify Human or Spambot ?