Gjekmarkaj: Një perspektivë anti-amerikane është e paimagjinueshme për PD

Politike

Deputeti demokrat Agron Gjekmarkaj ishte ndër emrat që mbështeti vendimin e Lulzim Bashës për largimin nga grupi parlamentar të themeluesit të PD-së, Sali Berisha.

Përmes një publikimi në Facebook, Gjekmarkaj sërish vijon të përforcojë argumentat e tij në mbrojtje të këtij qëndrimi.

Ai arsyeton edhe një herë vendimin e Bashës si kërkesë të SHBA, ndërsa lë të kuptojë se sipas tij, një vendim ndryshe do të ishte një konflikt me SHBA-në.

“Mardhënjet solide me SHBA janë një detyrim jo thjesht pragmatik për Lulzim Bashën dhe PD por për gjithë kombin shqiptar. Një pohim të tillë na e dikton historia dhe interesat strategjike të së nesërmes! PD është themeluar si parti pro amerikane e pro perendimore! LDK-ja në Kosovë dhe PD në Shqipëri u bënë zedhënëset e para të kombit shqiptar për të rivendosur aleancat strategjike me botën perëndimore! Shqiptarët kishin vonesë shekullore ndaj e kishin të madh nxitimin për tu rikthyer aty ku dëshiron të ishin!

Kombi shqiptar ka permbushur të drejtat e veta nga mbeshtetja e ketij vendi të madh e mik ! PD sukseset e saj më të medha i ka patur kur ka shkelqyer në mardhenje me SHBA-të dhe ngecjet kur ato mardhënjie janë cenuar! Një perspektive antiamerikane është e paimagjinueshme për PD qoftë kur në Uashington janë Demokratet qoftë kur aty ulen Republikanet! Luften e saj politike dhe as fitoren e saj të ardhshme PD nuk e mendon kurrë në konflikt me SHBA-të pertej takses traumatike e lenduese që po i takon të paguajë! Tashmë kundershtari ynë politik nuk e ka më monopolin e raporteve me SHBA as të manipulimit të tyre!

Mund ta akuzojmë sa të duam Lulzim Bashen për menyren e zgjedhur për çeshtje të së kaluares por jo që vendosi ta riktheje PD-në në misionin për të cilen u krijua si fuqia politike që çon Shqiperinë drejt Perendimit dhe sjell standartet e tij ketu! Konfliktin tonë me SHBA e deshiron vetem kundershtari ynë”, shkruan Gjekmarkaj.

Total 0 Votes
0

Tell us how can we improve this post?

+ = Verify Human or Spambot ?