Vokshi: Pushteti i Edi Ramës po shkërrmoqet dita ditës

Aktualitet

“Fitoi fjala e lirë. Edi Rama nuk e kaloi ligjin që kërcënon gazetarët me burg”, shkruan Vokshi në një postim në faqen e saj në facebook.

“Kauza jonë e drejtë fitoi një betejë. Edi Rama nuk e kaloi ligjin që kërcënon gazetarët me burg dhe median online me mbyllje dhe gjoba”, shkruan ajo.

Ja postimi i plotë:

Fitoi fjala e lirë

Edi Rama u betua për javë me rradhë që do të votojë në parlament paketën e censurës kundër medias online. Nuk la njeri pa kapur, gur pa lëvizur, por dështoi. U tërhoq sot nga votimit pa i shkuar deri në fund nismës antikushtetuese, kundër të cilës kanë dalë kundër gazetarët, opozita, Komisioni Europian, Këshilli i Europës, OSBE-ja.

Stërbetimet se do të rrëzojnë dekretin e Presidentit që ktheu ligjin antikushtetues, përfunduan si propagandë boshe.

Kauza jonë e drejtë fitoi një betejë. Edi Rama nuk e kaloi ligjin që kërcënon gazetarët me burg dhe median online me mbyllje dhe gjoba.

Pushteti i Edi Ramës po shkërrmoqet dita ditës. Të gjithë bashkë, ne mund t’ia dalim të ruajmë liritë tona, lirinë e shprehjes, lirinë e votës, lirinë zgjedhjes.

#MosMaPrekFjalën

Image
Total 0 Votes
0

Tell us how can we improve this post?

+ = Verify Human or Spambot ?