Ambasadori i OSBE: Iu kërkoj ndjesë për gishtin.

Ambasadori i OSBE-së Bernd Borchardt ka reaguar pas gjestit të bërë dje ndaj protestuesve të Unazës së Re tek Drejtoria e Policisë. Ai iu ka kërkuar ndjesë atyre që mund të ketë fyer dhe shton se respekton të drejtën e shqiptarëve për të protestuar paqësisht.

“Do të doja t’u kërkoja sinqerisht ndjesë atyre që mund të kem fyer dje. Unë e respektoj të drejtën e shqiptarëve për të protestuar paqësisht”, shprehet ambasadori Borchardt.