SPRINT NEWS ALBANIA

Aktualitet

Bixhozxhiu Patozi sulmon dhe Berishën

Astrit Patozi ka komentuar deklaratën e ish-kreut dhe ish-kryeministrit Sali Berisha i cili tha sot se ‘mos qenia e kreut të PD-së në Kuvend ka qenë një gabim’.

Ja statusi i plotë i ish-deputetit, Astrit Patozi:

Të falënderojmë zotat që na kthyen Lul Bashën

Sot mësova me habi se mungesa e Lulzim Bashës në parlamentin e 4 viteve të shkuara paska qenë gabim. Zakonisht në raste të tilla kërkohet falje, por ky nuk është ndonjë zakon që pëlqehet shumë në Shqipëri.

Por nëse ishte vërtet kështu, kujt duhet t’ia dimë për nder që na e bëri këtë gjëmë, njeriut apo Zotit?

Atij vetë, që vajti e u “internua” si kryetar i Bashkisë së Tiranës, atyre që e propozuan, atyre që e mbështetën dhe e votuan si të tillë, apo kundërshtarëve që nuk ndryshuan rregullat, kur erdhën në pushtet?

Sepse, me sa po thuhet, parlamenti shqiptar nuk mund t’u kuptoka kurrë pa Lulzim Bashën. Dhe Shqipëria e paska vuajtur shumë mosqenien e tij.

Por ja që, si gjithmonë, Zoti vonon, por nuk harron. Tani Lulzim Basha është rikthyer, gabimi është ndrequr më në fund dhe Shqipëria thjesht duhet të falënderojë krijuesin dhe duhet të presë frutet e shpejta të kësaj mrekullie.

Total 0 Votes
0

Tell us how can we improve this post?

+ = Verify Human or Spambot ?