SPRINT NEWS ALBANIA

Poezi

Poezi nga Alban Bala

VEÇ EJA

Eja siç vjen në lutjen time mbrëmjes
E vogël, e pambrojtur, e brishtë
Eja si drita mbi fildish, si bleta 
në zemër të lules, eja
Si kënga e ujit në natën e thellë,
Eja
Si heshtje, si fjalë, si kuptim.

Si harku i ylberit mbi ujvara
Eja
Si mëngjesi që shtyn hënën me puthje
Rrezesh të njomura me vesë…
Eja
Si zëri që del nga kitara
E kohës, si dridhja e lëkurës në prekje
Butë.

Eja si dhimbja që lënë dallëndyshet në vjeshtë
Si flakëza e fundit e zjarrit në agim
Si xixëllonja mbi dorëzonjat në maj, eja
Si lulëkuqet
Që ndizen mes grurit, si fëmijët

Veç eja

Eja të të them se kur ti vjen
gjithë bota
vjen me ty.

Fotografia e Alban Bala

 KUMBULLA NA I THA TE GJITHA

Kumbulla na i tha te gjitha
I dhuroi te gjitha sa pati
Dhe tani pret vjeshten ne paqe
Ne skaj
E veshur me te gjelber, e drojtur si femije
Qe s’ka bere kurre nje faj, e bardhe
Cdo shkurt e cdo maj
Kumbulla me mesoi se jeta eshte nje stine
Qe falet.
Perpiqem t’i ngjaj dhe pse eshte e veshtire
E shoh dhe qaj nga dashuria…

Fotografia e Alban Bala

KUR TE TE KEM AFER

Kur te te kem afer
Ka me me marre malli
Per mallin qe kam sot per ty

Ditet u shkurtuan si telat e harpes.
Une jam dora qe luan driten
E ti je tingulli

Cdo dite e me i holle, i dridhshem.
Une shkoj e vij mbi mungesa
I nxehte si padurimi

Sy qe lyp drite.
Zemra cmend harpen e brinjeve
Me gishta kujtimesh.

Kur te te kem afer
Ndoshta do te mesoj
Edhe me te prite…

Fotografia e Alban Bala
 ME GJIRIN TEND DHE ME PAQEN E SYVE

Te kam nje gje te papershkrueshme, pafundesisht te ndritshme.
Ne nje jete tjeter duhet te me kesh lindur
Ndoshta jam rritur nja dy shekuj me heret
Me gjirin tend dhe me paqen e syve…

Kur ti shikon syte e mi une jam dielli
Qe shihet ne pasqyre.

Ne nje jete tjeter duhet te jemi dashur.
Nganjehere arrij ta kuptoj qe ty s’te kujtohet
Nuk e mban mend shijen e buzeve, petalet
E perkedheljes se pergjumur, ujin qe rridhte
Nga strehet ne fushe, lumin…

E ndjej se kam jetuar me ty sic jetohet fati
I perkulur dhe i lumtur.

Ne nje jete tjeter duhet te jemi rritur bashke
Por ti ke qene duke menduar
Te ardhmen, kohen qe vinte vrulltaz, ikjet e asaj
Qe nuk erdhi dot kurre.
Atehere
Me ke pas dashur dhe me ke humbur…

Ne nje jete tjeter te kam pasur me shume…

 

 MOTRAT

Motrat ulen gjithnje prane njera tjetres
Qendisin fjale, thurin heshtje,
Sy me sy shihen pa e ngritur koken
E dine oren nga zerat qe vijne prej tryezes
Motrat jane nje femije i vetem
Qe jeton ne me shume trupa ku rreh e njejta zemer

Motrat jane si hijet e pemeve mbi hene
Shquhen vetem kur ulesh ne karriken e tyre
Me syte e mallit e gjejne gjithnje rrugen
Qe i bashkon
Dhe rregullojne frymen.

Fotografia e Alban Bala
Total 0 Votes
0

Tell us how can we improve this post?

+ = Verify Human or Spambot ?