40 vite karrierë, aktorja Mariana Kondi nderohet me titullin “Mjeshtër i Madh”

Kulture

Aktorja Mariana Kondi është nderuar me titullin “Mjeshtër i Madh” nga presidenti Ilir Meta. Në një ceremoni të zhvilluar në Presidencë, mes miqsh dhe të afërm të aktores ajo pas 40 vitesh punë është nderuar me këtë titullin të rëndësishëm.

“Kam kënaqësinë e veçantë që të nderoj një artiste shumëdimensionale dhe shumë të dashur për ju dhe për mua me një karrierë 40-vjeçare”, tha presidenti Ilir Meta, duke shprehur vlerësimet për aktoren e njohur.

Ka qënë vetë Kondi e cila përmes një postimi në rrjetet sociale është shprehur se ndihet e vlerësuar dhe e suprizuar, duke theksuar edhe momentet e vështira gjatë karrierës së saj të gjatë.

Gjithashtu aktorja falenderoi edhe kolegët e saj me të cilët ka punuar ndër vite.

“Më në fund institucioni më i lartë i këtij vendi më dorëzon këtë vlerësim në momentin dhe kohën e duhur. Pas 40 vjetëve karrierë. Vlerësim për të cilin ndihem e surprizuar nga ky institucion. Karriera ime ka patur hopet e veta, por unë theksin ja vë atyre momenteve të vështira. Sepse ato momente kanë qenë arsyet e ringjitjeve drejt suksesit.

Ndoshta ky vlerësim dhe ky titull ka dhe pjesën e dhimbshme të tij. Është idhtësia e partnerëve të mi që sot janë në dritën e vërtetë. Atyre partnerëve që më dhanë batutën, më dhanë suksesin më dhanë energjinë Skënder Sallaku Vasillaq Vangjeli. Sheri Mita. Met Bega. Ndaj i falenderoj për çdo tullë që kanë vënë në murin e karrierës time.

Ky është një titull që sapo të shkoj në shtëpi do ta ndaj me burrin tim të shtrenjtë për të gjitha ditët qe nuk kam qenë shtëpi për shkak të punës. Tashmë jemi tre”, shkruan Kondi.

Total 0 Votes
0

Tell us how can we improve this post?

+ = Verify Human or Spambot ?