Komisionet online, reagon zyrtarisht PD-ja: Asgjesim i parlamentarizmit

Politike

PD kundërshtoi vendimin e shumicës për të zhvilluar online mbledhjet e komisioneve parlamentare. Në Konferencën e Kryetarëve dhe në seancën plenare, Kryetari i Grupit Parlamentar të PD, Alfred Rushaj sqaroi se vendimi është kundër Kushtetutës dhe Rregullores së Kuvendit. Ai tha se vendimi duhet të shfuqizohet, pasi synon të asgjesojë parlamentarizmin. Rregullorja përcakton rastet kur komisionet mund të nblidhen në distancë, çka e përjashton situatën aktuale.

Kryetari i grupit parlamentar të PD, Alfred Rushaj, iu referua nenit a/5^ se kufizimet vendosen në rast të masave të jashtëzakonshme për shkak të gjendjes së luftës, gjendjes së jashtëzakonshme ose gjendjes së luftës. Nënkryetarët e Partisë Demokratike, Enkelejd Alibeaj dhe Joroda Tabaku, thanë se vendimi nuk i shërben interesit publik. Diskutimet dhe vendimet që merren në të shumtën e rasteve nuk dëgjohen, pasi deputetët janë në makina, lokale, por jo në krye të detyrës. PD propozoi që deputetët të vaksinohen dhe gjendja t’i kthehet normalitetit, si dhe komisionet të zhvillohen në orare të ndryshme për të patur më shumë hapësirë.

Nënkryetarja e PD, Jorida Tabaku ka kërkuar që komisionet parlamentare të mos mbahen online, por të zhvillohen në salla më të mëdha.

Ajo thotë se shkresën që komisionet nuk duhet të mbahen fizikisht e ka sugjeruar zv.ministrja e Shëndetësisë, Mira Rakacolli sipas së cilës është militante e PS.

Tabaku thekson se PS mund të vendosë me dhunën e kartonave, por opozitën nuk mund t’i hiqet edhe fjala.

 

 

”Kërkoj ndjesë qytetarëve për vonesën, e di që ka interes për parlamentin. Ne u njohëm sot me një shkresë të Rakacollit, militante të PS me faktin që sugjeronte që komisionet parlamentare nuk duhen të mbahen fizikisht.

Me dhunën e kartonave mund të vendosni. Kur pashë kastën në opera ngjitur, pa maska, transportin publik hapur, shkollat hapur.

Minimumin e transparencës duam.

Nuk mund ti hiqni fjalën opozitës. Nuk është e vërtetë që në Europë janë ndaluar fizikisht komisionet. Ju kërkuam vetëm diçka, mos vendosni me dhunën e kartonave. Nuk e keni atë fuqi, ti mbyllni zërin opozitës. Unë besoj që të gjithë janë shumë sensitivë, por s’mund të bëjmë gjoja ku jeni ju prezentë, ka ditë zgjedhjesh vendosi Rakacolli mos vijnë emigrantët. Këtu ulen deputetët ngjitur dhe vendosin maska për foto.

O do e kemi seriozisht këtë çështje, por në dijeninë tonë nuk ka protokoll që cënon.

Komisionet parlamentare të mblidhen në salla më të mëdha. Propozuam të bëhet me hapësirë kohore në sallë më të mëdhaja.

E patolerueshme të shkelni Kushtetutën. Prisni njëherë të fillojë parlamenti. Nuk mund të vijojmë të tolerojmë më këtë.”- tha Tabaku.

Total 0 Votes
0

Tell us how can we improve this post?

+ = Verify Human or Spambot ?