LISTA/ 15 anëtarët e rinj të Kryesisë së Partisë Demokratike!

Politike

Kryesia e re e Partisë Demokratike është zgjedhur ditën e djeshme nga anëtarët e Këshillit Kombëtar. Me votë të fshehtë 300 anëtarët zgjodhën emrat që do të përballen me qeverinë 4 vitet e ardhshme. Dhjetë burrat dhe 5 gratë që zgjodhi Këshilli Kombëtar do i shtohen listës që në total përbëhet nga 35 anëtarë të PD-së.

Figurat me të votuara janë si më poshtë:

-Gert Bogdani

-Tomorr Alizoti

-Agron Gjekmarkaj

-Ervin Salianji

-Flamur Noka

-Oerd Bylykbashi

-Kreshnik Çollaku

-Aldo Bumçi

-Fitim Zekthi

-Luan Baçi dhe Gent Strazimiri në balotazh (Shorti vendosi që Gent Strazimiri, të jetë anëtar)

5 anëtaret gra:

-Oriola Pampuri

-Dhurata Çupi

-Juela Hamati

-Taulanta Jaupi

-Lindita Metaliaj

Ditën e djeshme u vendos që Alfred Rushaj të marrë postin e kryetarit të grupit parlamentare në PD. Alfred Rrushaj, Enkelejd Alibeaj dhe 2 gra, Jorida Tabaku dhe Grida Duma do të jenë katër nënkryetarët e Partisë Demokratike, duke u dhënë kështu më shumë pushtet grave.

Jorida Tabaku do të jetë nënkryetare përgjegjëse për marrëdhëniet me jashtë ndërsa Grida Duma, nënkryetare përgjegjëse për marrëdhëniet me shoqërinë civile. Edmond Spaho, ish-nënkryetari i PD ka kërkuar të mbajë vetëm detyrën e deputetit. Gazment Bardhi do të mbajë sërish postin që kishte, Sekretar i Përgjithshëm i PD-së. Vendin e Bujar Nishanit e ka zënë tashmë Edi Paloka, i cili është zgjedhur Kryetari i Këshillit Kombëtar.

Partia Demokratike ka përzgjedhur tetë emra për t’ju besuar postet në Komisione. Prurja e re e selisë blu, Agron Gjekmarkaj është pozicionuar në Komisionin për Edukimin dhe Mjetet e Informimit Publik. Jorida Tabaku është vendosur të përfaqësojë PD-në në Komisionin për Integrimin Europian, kurse Komisioni për Punën, Çështjet Sociale dhe Shëndetësinë do të ketë Albana Vokshin. Në Komisionet e tjera do të jenë edhe Oerd Bylykbashi, Sorina Koti, Helidon Bushati e Tomorr Alizoti. Flamur Nokës i është besuar Komisioni për Sigurinë Kombëtare.