Derbi Partizani – Tirana e luajtur në “Air Albania” mbyllet 0-0.
Ka përfunduar java e 33-të e Kategorisë Superiore, ku kryendeshja e kësaj jave ishte derbi Partizani – Tirana e luajtur në “Air Albania” që u mbyll me rezultatin 0-0. Një hap fals për Partizanin, pasi diferenca me Teutën shkon në 3 pikë. Për Tiranën ishte një pikë shumë e vlefshme duke parë dominimin e të kuqve në derbi, teksa mbeten ende në luftë për një vend në kupat e Europës.
Kryesuesja e kampionatit, Teuta, arriti të fitonte 1-2 në fushën e Kastriotit, duke hedhur një hap më afër titullit, kur kanë mbetur edhe 3 javë nga fundit i kampionatit, por javën e ardhshme i pret një sfidë mjaft e vështirë me Partizanin.
Laçi dhe Vllaznia janë në luftë për vednin e tretë që të çon në kupat e Europës, pasi ndodhen në kuotë të barabartë pikësh, 57secila. Laçi nuk arriti më shumë se një barazim 0-0 në fushën e tij me Skënderbeun, ndërsa Vllaznuia bëri detyrën duke fituar 0-1 me Bylisin në transfertë. Ndërkohë Apolonia është ekipi i parë që ka rënë zyrtarisht nga kategoria, me fierakët që kanë arritur të grumbullojnë vetëm 20 pikë në 33 ndeshje.