PUTIN: Vaksina Sputnik është po aq e thjeshtë dhe e besueshme sa kallashnikovi!
Presidenti rus Vladimir Putin deklaroi se vaksinat ruse janë po aq të thjeshta dhe të besueshme sa pushka automatike “Kalashnikov”. Në një konferencë me zv.kryeministren Tatiana Golikov, Putini tha se vaksinat ruse bazohen në teknologji të provuar që është gjithashtu moderne, e besueshme dhe e sigurt.
“Është po aq e besueshme sa një pushkë Kalashnikov,”-tha Putini, duke shtuar se ai citoi vetëm “një nga ekspertët evropianë”.
Putin me sa duket iu referua një deklarate të bërë në shkurt të këtij viti nga presidenti i Shoqatës Austriake për Sëmundjet Infektive dhe Mjekësisë Tropikale, Profesor Florian Thalhammer. Vaksina Sputnik V u prodhua në Rusi dhe po përdoret në më shumë se 60 vende.