Një qytetar danez fiton në ditë më shumë se paga minimale mujore në Shqipëri

Ekonomi

Eurostat ka bërë publike shifrat e vitit 2020 se sa paguhet një orë pune në vendet e Bashkimit Europian, ku shihet se diferencat mes disa vendeve janë shumë të mëdha.

Niveli më i lartë i pagesës për një orë pune është në Danimarkë, ku një qytetar fiton 45.8 euro, ndërsa niveli më i ulët është në Bullgari, ku një qytetar fiton 6.5 euro në orë.

Rritjen më të madhe në krahasim me vitin 2019 e ka pasur Portugalia me 8.6%, e ndjekur nga Lituania (7.5%) dhe Sllovakia (7%). Ndërsa ulje kanë pasur Malta, Qipro dhe Irlanda.

Duke e krahasuar me Shqipërinë, një qytetar danez fiton në ditë më shumë se paga minimale në Shqipëri, që tregon diferencën mes dy vendeve përsa i përket ekonomisë.

Pagesa mesatare për një orë punë në disa shtete:

Mesatarja e BE 28.5€

Bullgaria 6.5€

Rumania 8.1€

Hungaria 9.9€

Danimarka 45.8€

Luksemburgu 42.1€

Belgjika 41.1€