Presheva nis sot vaksinimin anti-COVID

 Në komunë e Preshevës sot pritet të mbërrijnë vaksinat e para anti-COVID-19, që janë siguruar nga kompania Pfizer Biontech. Lajmi për këtë është konfirmuar edhe nga drejtori i Shtëpisë së Shëndetit në Preshevë, Driton Salihu, përcjell INA. Sipas tij, të parët që do të vaksinohen do të jenë personeli mjekësor i shtëpisë së shëndetit.

“Ditën e premte, shtëpia e shëndetit në Preshevë do të pajiset me vaksinat antiCovid nga kompania Pfizer Biontech. Sipas planit të Ministrisë së Shëndetësisë, stafi mjeksor ka prioritet për vaksinim kundër Covid-19, ndaj me dozat e para të arritura do të fillojë vaksinimi i stafit mjeksorë në Preshevë”, theksoi Salihu.

Në kuadër të fushatës masive të vaksinimit, komuna e Preshevës është ndër vendbanimet e para shqiptare që do të ketë vaksinat e para kundër koronavirusit, pas zonave të banuara me serbë në Kosovë.

Serbia është ndër vendet e para të rajonit që ka siguruar vaksinat e Pfizer, por edhe vaksinën ruse Sputnik. Shqipëria ka paralajmëruar se vaksinat e para do të jenë gjatë këtij muaji, ndërsa paralajmërime për këtë muaj ose muajin tjetër ka edhe në Kosovë, Maqedoni, etj.

0 0 vote
Article Rating
Total 0 Votes
0

Tell us how can we improve this post?

+ = Verify Human or Spambot ?

Subscribe
Notify of
guest
0 Comments
Inline Feedbacks
View all comments