Rama/ Do ndërtohen 524 apartamente, 37 njësi shërbimi dhe qendër tregtare
Kryeministri Rama, ministri i Rindërtimit Arben Ahmetaj, zyrtarë të lartë shqiptarë dhe zyrtarë të lartë të Turqisë ndodhen sot në Laç, për procesin e rindërtimit.
Rama njofton se në Laç, në kantierin e madh të rindërtimit, do të ndërtohen 524 apartamente, 37 njësi shërbimi, 375 vendparkime dhe një qendër tregtare. Ndërkohë, zyrtarët turqë kanë falenderuar Ramën dhe Ahmetajn, për mikëpritjen e ngrohtë, siç e kanë quajtur ata.
“Laç – Në kantierin e rilindjes së Laçit pas tërmetit, në bashkëpunim me Presidentin e Republikës së Turqisë.
Zona 1 e lagjes së re financohet nga qeveria turke, zona 2 nga qeveria shqiptare.
Zona 1 ka 524 apartamente, 37 njësi shërbimi, 375 vendparkime, qendër tregtare, njësi shërbimi e infrastrukturë sipas standardeve europiane”, shkruan Rama.