Koronavirusi/ Meta në video konferencë me mjekët

Presidenti Ilir Meta ka zhvilluar një diskutim me ekspertë të shëndetësisë në vend.

Meta tha se ekspertët e shëndetësisë dhanë mendime të vlefshme, ndërsa shtoi se shumë çështje kërkojnë vëmendje.

Ilir Meta: Paneli i mjekëve dha mendime të dobishme. Shumë çështje që u ngritën kërkojnë vëmendje, sepse situata është dinamike për të gjithë e çdo reflektim ndihmon për t’ju paraprirë situatave në të ardhmen.

Roli i mjekëve të familjes është i rëndësishëm. Ne kemi parasysh strategjinë e qeverisë, por ne kemi kritikat tona, ato qqë ne gjykojmë që mund të jenë në konsideratë.

Tritan Shehu: Mjeku i familjes duhet të futet në lojë, sepse është shumë i rëndësishëm. Mjeku i familjes duhet që të mbrohet me të gjitha mjetet. Në të gjitha vendet ku ka të shtruar, duhen kujdes i veçantë. Unë jam për spitalet rajonale e kështu do të ishin pranë qytetarit, prsh duhet të ishte aktivizuar spitali në Durrës, Shkodër etj. Sot nuk ka një aparat eko në Shqipëri.  Qeveria duhet të kontraktonte me vende të BE-së. Duhen vaksina të konsoliduara. Në Shqipëri të vijnë vaksina të certifikuara, si kudo në Europë.

Mjeku pneumolog Arjan Mezini i ftuar në një bashkëbisedim ‘online’ me presidentin, Ilir Meta, për situatën e krijuar nga pandemia, ka deklaruar se duhet të shtohet numri i testimeve për të ndaluar zinxhirin e infeksionit.

Gjatë fjalës së tij, mjeku i spitalit ‘Shefqet Ndroqi’ hodhi poshtë pretendimet se testimet e shumta, nuk japin rezultat dhe mund të nxjerrin situatën jashtë kontrollit si vendet në Europës. Ai theksoi se nëse në këto vende nuk do të ndalohej zinxhiri i infektimit do të shihej çfarë katrahure do të ishte.

‘Dëgjoj shprehje që vende të tjera që testojnë shumë u doli situata jashtë kontrollit, por imagjino mos testohej në këto vendet e tjera dhe do shihej se çfarë katrahure do ishte e të mos ndalohej zinxhiri i infektimit. Sigurisht u rritën shifrat, por vetëm me testimin dhe kontrollin e zinxhirit të infeksionit mund të kontrollosh pandeminë. Nuk është trajtim ai në ambulancë, është trajtim me burim të kufizuar oksigjeni, maksimumi 15 litra mban, kurse këta janë pacientë që kërkojnë mbi 20 litra e sipër’, tha ai.

Ndërkohë, Arjan Mezini deklaroi me bindje se në vendin tonë ‘duhen bërë rreth 8000 testime në ditë’, pasi vetëm kështu, sipas tij, mund të kontrollosh pandeminë.

Doktor Mezini shtoi se duke ditur shifrat reale të të infektuarve me COVID-19 sistemi shëndetësor do të jetë i përgatitur dhe kështu mund të menaxhohen kapacitetet spitalore.

‘Testimin masiv është shumë i rëndësishëm jo vetëm për identifikimin dhe ndërprerjen e zinxhirin e kontaktit, por do ta shihja testimin masiv dhe në një drejtim që do dimë dhe gjendjen që kemi  në spitale dy javë pas testimit. Dhe sigurisht do mund të jemi të përgatitur dhe s’do na ndodhi që njerëzit do presin me orë të tëra në autoambulanca. Dimë kapacitet që kemi dhe mënyrën si do shpërndahen. Duke ditur dhe numrat dhe përcakton dhe kapacitetet spitalore, dhe t’i shpërndajnë që pacientet të mos presin me orët të tëra në ambulanca’, u shpreh ai.

Kjo deklaratë e mjekut Arjan Mezini u bë gjatë një takimi online që presidenti Meta zhvilloi me Tritan Shehun dhe Petrit Vasilin, dhe mjekun Erion Dasho.

0 0 vote
Article Rating
Total 0 Votes
0

Tell us how can we improve this post?

+ = Verify Human or Spambot ?

Subscribe
Notify of
guest
0 Comments
Inline Feedbacks
View all comments