LSI lançon aplikacionin: Do votohet online për shkak të Covid-19

Përfaqësuesja e LSI Silva Caka ka lajmëruar sot “risinë” e kësaj partie për zgjedhjet e 21 Nëntorit dhe 5 Dhjetorit, ku do të votohet për kryetarin, delegatët dhe strukturat drejtuese të saj. Sipas Cakës, për shkak të Covid-19 të gjithë anëtarët e LSI ftohen të votojnë online.

“Join LSI” është aplikacioni që kjo forcë politike ka vënë në dispozicion të anëtarëve të saj që ata të votojnë, brenda dhe jashtë vendit. Gjithashtu, në çdo bashki të vendit qendrat e votimit do të jenë të hapura, në mënyrë që çdo anëtar të zgjedhë përfaqësuesit e tij në Koventën Kombëtare Zgjedhore, që do të mbahet më 5 dhjetor.

DEKLARATA E PLOTË

Jemi sot për të njoftuar të gjithë anëtarët dhe të gjithë qytetarët shqiptarë për procesin e zgjedhjeve brenda Lëvizjes Socialiste për Integrim, i cili do të mbahet ditën e shtunë më 21 nëntor, duke filluar nga ora 09:00.

Lëvizja Socialiste për Integrim, në çdo proces zgjedhor ka qenë avantgardë, duke qenë e para që prezantoi parimin e shënjtë një anëtar – një votë, duke qenë e para që zbatoi kuotën gjinore në masën 50-50, duke qenë e para që aplikoi votimin dhe numërimin elektronik dhe duke qenë e para dhe ende e vetmja forcë që fokuson të gjithë vëmendjen e saj tek të rinjtë.

Edhe më 21 nëntor, Lëvizja Socialiste për Integrim do të jetë sërish e para forcë politike, e cila do të aplikojë votimin online. Ne sot iu bëjmë thirrje të gjithë anëtarëve të Lëvizjes Socialiste për Integrim, të bëhen pjesë e këtij procesi në mënyrën që ata dëshirojnë.

Përveç votimit elektronik, në çdo bashki do të kemi të hapura qendrat e votimit, në mënyrë që çdo anëtar të zgjedhë përfaqësuesit e tij në Koventën Kombëtare Zgjedhore, që do të mbahet më 5 dhjetor.

Për të gjithë anëtarët që ndodhen jashtë Shqipërisë, gjtihashtu edhe ata që e kanë pamundur që t’i drejtohen kutive të votimit për shkak të situatës së pandemisë ose pamundësisë së tyre, aplikacioni ‘Join LSI” ju vjen në ndihmë për të shprehur vullnetin tuaj.

Më 21 nëntor dhe 5 dhjetor, ne nuk votojmë thjesht për delegatët, kryetarin dhe strukturat e reja drejtuese, por i paraprijmë fitores së madhe të shqiptarëve, e cila do të vijë më 25 prill.

https://streamable.com/e/iphk5c

0 0 vote
Article Rating
Total 0 Votes
0

Tell us how can we improve this post?

+ = Verify Human or Spambot ?

Subscribe
Notify of
guest
0 Comments
Inline Feedbacks
View all comments