Basha- biznesmenit të letrës: Respekt për ju që sot mbani 160 vetë në punë
Lulzim Basha ishte sot në qytetin e Durrësit në një prej fabrikave më të mëdha të prodhimit të letrës në Shqipëri, në fabrikën e Bardhyl Baltëzës, sipërmarrës i vjetër që mban në punë më shumë se 160 punëtorë në ndërmarrjen e tij.
Biznesi i madh shqiptar vuan barrën e rëndë fiskale të qeverisë, çmimin e lartë naftës, dritave, ujit dhe shumë e shumë shpenzimeve të tjera. Të gjitha këto shpenzime rrisin kostot e prodhimit, duke ulur fitimin dhe rënduar akoma dhe më tepër pozitën ekonomike të biznesit shqiptar.
Biznesi prodhues ishte një nga sektorët më të prekur nga tërmeti i 26 nëntorit dhe pandemisë, teksa qeveria nuk ka ofruar asgjë për të lëhtësuar sadopak efektet shkatërrimtare të këtij viti të vështirë për shqiptarët.
Sipërmarrësi Bardhyl Baltëza gjatë bisedës me kryetarin e PD ngriti problemin e energjisë elektrike të rritur dhe të transportit të mbetjeve në landfill, përveç të tjerave,.
Problem është rritja e kostove fiktive e atyre parave që harxhohen për kot, – theksoi Baltëza, – se në fund, në fund të gjitha këto janë paratë e shqiptarëve të shtetit shqiptar edhe duhet të mundohemi t’i shpenzojmë në mënyrë të tillë që të jetë më efektivitet jo kot rrit për hiç gjë kot.
Le të shpresojmë që do ndërrojë kjo filozofi e keqe që ekziston në Shqipëri, se nuk jam vetëm unë, ka njerëz të tjerë që punojnë jashtëzakonisht shumë dhe vështirë, por fatkeqësisht kemi dhe një të shkuar të keqe, dhe kjo është e ardhmja, kjo është puna, kjo është jeta!”
Por, zoti Basha e vlerësoi punën shumëvjeçarë të kësaj sipërmarrjeje në qytetin e Durrësit.
Ai falenderoi biznesmenin për humanizmin e treguar në mbajtjen në punë të më shumë se 160 punëtorëve, pavarësisht vështirësive të shkaktuar nga pandemia dhe mungesës së ndihmës nga shteti.
Kryedemokrati përsëriti edhe njëherë propozimet që Partia Demokratike ka ofruar tashmë prej disa javësh në ndihmë të biznesit prodhues:
200 mijë lekë të vjetra në muaj do të shkonin për çdo punëtor të rimarrë në punë nga biznesi dhe interes zero për bizneset që marrin kredi për të paguar pagat e punëtorëve të tyre.
Kryetari i opozitës ritheksoi premtimin për taksën e sheshtë 9 % dhe atë për sigurimet shoqërore 18 %, teksa një ndër vendimet kryesore të qeverisë re do të jetë ulja e çmimit të naftës, si një masë që do të ulë ndjeshëm koston për biznesin.
Lulzim Basha tha: “7 vjet krizë ekonomike janë rënduar për shkak të pandemisë dhe natyrisht për Durrësin janë rënduar edhe për shkak të tërmetit.
Ka ardhur koha që të kemi një qeveri që të gjithë vëmendjen energjinë, financat, masat, planet strategjinë, t’ia kushtojë ekonomisë, t’ia kushtojë shëndetit shqiptarëve.
Ndaj dua t’ju them që për mua dhe Partinë Demokratike, prioriteti numër një dhe leva numër një për ta nxjerrë Shqipërinë nga kriza ekonomike është mbështetja e drejtpërdrejtë për sipërmarrjen e tij dhe në veçanti për sipërmarrjen prodhuese, duke bërë të mundur që prodhimet shqiptare të jenë konkurruese në tregun rajonal dhe në tregun europian, dhe për këtë mbetemi të vendosur për atë platformë që e kemi diskutuar edhe më parë së bashku me kolegët tuaj, dhe të çmimit të naftës dhe të çmimit të energjisë konkurrent në rajon dhe jo më të lartin siç është sot, të taksës së sheshtë 9% sa i përket biznesit prodhues siç jeni ju.
Kemi propozuar për këdo që është hequr nga puna – ti s’ke hequr njeri por të tjerët janë detyruar të heqin njerëz nga puna – t’u japim nga një 200 mijë lekë të vjetra në muaj me kushtin që t’i rimarrin në punë.
Për kreditë që je i detyruar të marrësh, në qoftë se merr kredi për të paguar punëtorët gjithçka për sa i përket interesit paguhet nga shteti, pra do t’i marrësh me zero interes.
Ju falenderoj shumë dhe masat që kemi parashikuar në programin tonë shpresoj që do të jenë konkrete, të prekshme e t’ju japë ndihmën që ju meritoni.
Mos t’ju lëmë vetëm, se e vështirë në këto kushte është të mbash një familje me katër veta, jo më një familje me 160 veta siç po mbani ju, për të cilën edhe njëherë ju shpreh respektin dhe admirimin tim, dhe ju siguroj që nesër do keni mbështetjen e shtetit.”