“Keqardhje kur shoh zv.kryeministrin të merret me Partizanin e jo me pasojat e tërmetit”

0

Takimi mes Teutës dhe Partizanit, luajtur në Durrës, solli shumë polemika, për shkak se nga fusha e lojës dolën pesë lojtarë me karton të kuq. Zv.kryeministri, Erion Braçe, i cili është një tifoz i Partizanit ka reaguar në lidhje me arbitrimin e ndeshjes.”Vendosën arbitrat!”, shkruan Braçe,tallje me ata që kanë pasion futbollin apo krim ndaj atyre që paguajnë për futbollin, ndajeni vetë!”.

Reagimi i Braces

Por mesfushori i Teutës, Sherif Kallaku me anë të një postimi në instagram, ka shpërthyer ndaj Braçes.

Ai shprehet se ndjen keqardhje, kur sheh zv.kryeministrin të merret me Partizanin dhe jo me pasojat e tërmetit të 26 nëntorit. Ja çfarë shkruan Kallaku:

“Këto ditë nuk kemi qenë të qetë në fushë. Në çdo hap, në çdo pasim, në çdo goditje topi, mendja dhe zemra ka qenë te miqtë e mi në Bubq, tërmeti i 26 nëntorit i la pa shtëpi.Por kur shikoj zv.kryeministrin e vendit tim që në këto kohë të dhimbshme gjen kohë të merret me “padrejtësitë” e Partizanit, ndjej dyfish më shume dhimbje, jo vetëm për miqtë e mi në Bubq, por për të gjithë shqiptarët”.

Postimi i Sherif Kallakut  

Sfida kryesore e javës së 15-të mes Teutës dhe Partizanit e zhvilluar në stadiumin “Niko Dovana” u mbyll me rezultatin 1-0 në favor të bregdetarëve.

Ai që vulosi dhe ndikoi drejtëpërdrejtë në caktimin e këtij rezultati ishte arbitri kryesor, Olsid Ferhataj, që nuk i kurseu kartonat.

(E.C;F.G/Dosja.al)

Total 1 Votes
0

Tell us how can we improve this post?

+ = Verify Human or Spambot ?

About The Author