Deputetja Hyseni nuk frenon lotët: Në katër të mëngjesit nuk kishte ndarje politike.

Nuk ka mundur të mbajë dot lotët sot në seancë plenare, deputetja e opozitës, Edlira Hyseni. Me zërin që i dridhej e lot në sy, Hyseni tha se mëngjesin e 26 nëntori, nuk kishte ndarje politike, por të gjithë ishin në emergjencën për t’u kujdesur për jetën.

” Unë jam prind, jam nënë dhe në këtë situatë patëm emergjencën të kujdeseshim për jetën. Në katër të mëngjesit nuk kishte ndarje politike. Njerëzit kanë humbur shumë në të gjitha drejtimet dhe sot Durrësi ka nevojë të rigjejë besimin. Durrësi ka nevojë për një shtet për një qeveri që do t’i përgjigjet, ka nevojë për dashuri. Unë nuk dua të besoj që do preken ato lekë për personat e prekur nga tërmeti.

Durrësi ka nevojë edhe për të gjetur drejtësi por prioritet është rikthimi në normalitet. Shkollat në Durrës janë të dëmtuara. Prindërit kanë frikë të rikthejnë fëmijët në shkollë. Kanë rënë pallate që janë ndërtuar në 10-vjeçarin e fundit. Kemi nevojë të besojmë tek qeveria” u shpreh Hyseni.

0 0 vote
Article Rating
Total 0 Votes
0

Tell us how can we improve this post?

+ = Verify Human or Spambot ?

Subscribe
Notify of
guest
0 Comments
Inline Feedbacks
View all comments