RAMA/ PAGUAJNË ARTIKUJ KËTEJ E ANDEJ, E BËNË COPË SHQIPËRINË FARE, ËSHTË TMERR.
Kryeministri Edi Rama e ka nisur këtë mëngjes pune me kryebashkiakun Erion Veliaj dhe ish-ministrin Fatmir Xhafaj në njësinë 10, shoqëruar edhe nga disa banorë të zonës.
Rama u shpreh i shqetësuar për imazhin e Shqipërisë duke akuzuar opozitën se po paguan artikuj nëpër botë. Sa i takon gazetës BILD, Rama e veçoi duke thënë se puna e asaj gazete është investigimi dhe meqë “ia kanë çuar, e ka bërë”. Për këtë kryeministri ka thënë edhe një emër, duke bërë përgjegjës direkt Sali Berishën e duke e cilësuar si “fatkeqësi”.
Qytetari: A konfirmohen zgjedhjet më 30 qershor?
Rama: Ca do konfirmojmë mo, ca bëni këto pyetje kot, patjetër do bëjmë zgjedhje.
Veliaj: Mbaj mend kur ishim ne nqë opozitë mezi prisnim zgjedhjet, këtu është komplet e kundërta.
Rama: Edhe gjëja më skandaloze balta e madhe që po hedhin lart e poshtë. Jo thjesht te ne por edhe jashtë Shqipëtisë paguajnë artikuj këtej andej.
Në rastin e Bild, ajo punë është puna e tyre, Ia kanë cuar, ia kanë bërë, puna e vetë.
Por nuk e di, është tmerr i madh. E bënë copë Shqipërinë fare, s’e di…
Veliaj: Ato gratë e biznesit që erdhën nga Hollanda thanë ju keni vetëm problem imazhi se kur vjen këtu, s’keni asnjë problem. Por kjo histori duhet të rregullohet këtu njëherë, mos flisni keq për veten.
Rama: Nuk e bën asnjë, të gjithë kanë pas opozitë, beteja, edhe Bullgaria bojkot kishte dhe morën Presidencën e BE-së, 6 muaj për paqe politike. Do rrimë ne tani, do nxjerrim baltë nga këtu, ta hedhim në Bruksel. Asnjë shtet tjetër nuk ka fatkeqësinë të ketë Saliun. Ky vazhdon akoma e ka me Shqipërinë, është skandaloze.