Lefter Koka i PS-së firmos për Bindjen e Titit. Ka mbet pa firmos dhe Nexhmije Hoxha

Astrit Patozi, ka reaguar pas akuzave të PD se Kuvendi falsifikoi dokumentacionin, që Bindja Demokratike të regjistronte kandidatët në Komisionin Qendror të Zgjedhjeve.

Patozi thotë se BD nuk e ndalon asgjë për të garuar, dhe sqaron se BD ka dy deputetë që kanë firmosur në KQZ, Lefter Koka dhe Andi Përmeti.

Reagimi i plotë:

ASGJË NUK E NDALON BINDJEN DEMOKRATIKE TE GAROJË MË 30 QERSHOR

E vetmja gjë që e mban në këmbë për të mos ikur me vrap, si tek protesta e fundit, partinë e vetëdjegur të Lulzim Bashës është urrejtja dhe meraku që ka për BINDJEN DEMOKRATIKE. Në fakt, ne ua kuptojmë hallin, por nuk i ndihmojmë dot.
E vetmja punë që ata bëjnë qysh nga data e krijimit të forcës sonë politike është që të na ndjekin dhe përgjojnë, për çdo fjalë që themi dhe çdo veprim që bëjmë, por ne nuk shqetësohemi fare nga kjo. Përkundrazi, e konsiderojmë reklamë falas për një parti të re.
Sot paskan shpikur që kandidatët tanë qenkan të paligjshëm, sepse nuk u mbështeskan nga një mandat deputeti në të paktën 6 muajt e fundit.
Sqarojmë publikun se BINDJA DEMOKRATIKE mbështetet jo nga një, por nga firmat e dy deputetëve për të garuar dhe kandiduar në gjithë Shqiërinë. Ata janë zotërinjtë Lefter Koka dhe Andi Përmeti, dhe për këtë ekziston e gjithë praktika e depozituar në KQZ. Më poshtë, fotokopja e shkresës së protokolluar.
Por përgjuesit tanë të palodhur bëjnë sikur nuk e kanë parë këtë dhe flasin për paligjshmëri.
Dhe që ta mbledhin mendjen një herë e mirë e mos të lodhen kot, duke u përpjekur çdo ditë të na kapin në gabim, po u themi sot se BINDJA DEMOKRATIKE i ka kapur të gjitha afatet dhe detyrimet ligjore për të konkurruar në 26 bashki me kandidatë për kryetar dhe në rreth 55 të tilla për lista këshilli. Madje në shumë raste ne kemi pasur edhe firmat e qytetarëve të disa bashkive, përvec atyre të deputetëve, të cilat ishin kriter i mjaftueshëm, sipas ligjit.
Si përfundim, i ftojmë që të qetësohen ata që kanë zgjedhur të na ndjekin ne, e të mos hyjnë vetë në zgjedhje. Ata nuk do të na pengojnë dot kurrë që ne të marrim pjesë dhe të garojmë në procesin e pandalshëm të 30 qershorit.

Dokumenti i publikuar nga Astrit Patozi, ku shihen dy firmat e Lefter Kokes dhe Permetit

Ditën e sotme, Partia Demokratike përmes Sekretarit për Cështjet Zgjedhore, Ivi Kaso, bëri me dije kallëzimin që PD ka depozituar në KQZ, për Sekretarin e Kuvendit, Genc Gjoncaj.

PD ka publikuar një dokument ku thuhet se Andi Përmeti, ka të paktën 6 muaj që është deputet. Kjo sipas PD, është prova se janë falsifikuar dokumentet që BD të regjistrohej në KQZ.

(F.g/dosja.al)

Total 0 Votes
0

Tell us how can we improve this post?

+ = Verify Human or Spambot ?

About The Author