“Hetimi tatimor” për grabitjen e Rinasit, zbulohet vendndodhja e servisit

Report tv siguron pamjet e servisit ku u modifikua furgoni ‘Hetimi tatimor’. Ky është servisi në aksin e vjetër në afërsi të Metalurgjikut, i cili sipas burimeve pranë drejtorisë së Policisë në Elbasan, dyshohet të të jetë vendi ku është bërë modifikimi i mjetit që më pas u përdor për supergrabitjen e 9 prillit.

Ky servis i është nështruar një kontrolli të imtësishëm ku është shoqëruar edhe pronari që e ka dhënë atë me qera, i cili është marrë në pyetje. Burime për Rpeort tv bëjnë të ditur se servisi kishte më shumë se 6 muaj që ishte dhënë me qera  nga ana e pronarit  pikërisht Klement Cala, i cili ka nëshkruar kontratën përmes kushëririt të tij. Cala është person i kërkuar, por ndërkohë mësohet të ketë hapur edhe një biznes fason në afërsi të uzinës 12 në njësinë administrative Bradashesh.

Ky person është pyetur nga grupi i hetimit, por nuk ka ende të dhëna konkrete, përderisa hetimi për këtë grabitje konsiderohet “Top Secret”. Hetimi për këtë grabitje, ka detyruar hetuesit që të hapin dosjet e vjetra, për të bërë portretin dhe mënyrën se si vepronin disa grabitës në vendin tonë, përderisa edhe grabitësit në Rinas, kanë tipare të dhunshme.

Aq më tepër, që në këtë ngjarje ishte i përfshirë edhe i shumëkërkuari Admir Murataj, i cili mbeti i vrarë gjatë shkëmbimit të zjarrit me forcat e policisë.

Marrë nga Shqiptarja.com 

No Comments on "“Hetimi tatimor” për grabitjen e Rinasit, zbulohet vendndodhja e servisit"

Leave a Comment

Your e-mail address will not be published. Required fields are marked *