Miratohet kontrata për ndërtimin e aeroportit të Kukësit

Këshilli i Ministrave ka dhënë miratimin për kontratën në lidhje me dhënien e koncesionit për ndërtimin e aeroportit të Kukësit. Ky lajm është bërë me dije përmes një deklaratë për mediat nga ministrja e Infrastrukturës Belinda Balluku.

Kontrata sot u miratua me vendimin e Këshillit të Ministrave. Hyrja e saj në fuqi i hap rrugë ndërtimit të Aeroporti të Kukësit. Kohëzgjatja e kontratës së koncesionit është 35 vite, kohëzgjatja e zbatimit të punimeve dhe afati i vënies në operim është 24 muaj, vlera e rehabilitimit të aeroportit të Kukësit është rreth 8 milionë. Nga zhvillimi i projektit ndërtues dhe më vonë në atë të zhvillimit të aktiviteteve në Aeroportin Ndërkombëtar të Kukësit, do të punësohen fillimit 220 persona. Ndërkohë, që nga përllogaritjet dhe kryqëzimi i të dhënave të projekteve të ngjashme mbështetur dhe në destinacionet e ndërtimeve që do të kryhen, numri i punonjësve që do të punësohen pritet të shkojë rreth 12 mijë persona në fazën finale të realizimit të këtij projekti,”-u shpreh Balluku.

Gjithashtu ministrja u shpreh se pritet të realizohet rreth 300 fluturime në vit nga ky aeroport. Koncesionin për ndërtimin e aeroportit të Kukësit e ka fituar konsorciumi i dy kompanive, “Bami shpk” dhe “Global Techical Mechanics”.