Tjetër “erë” PPP/ Gati koncesioni 40-vjeçar i WC-ve publike në Tiranë e 7 bashki, vlera 300 milionë euro

Nxitimi i Ramës, për të dhënë për 4 dekada edhe këtë PPP, tregon se banda e këtij pushteti, është bërë gati për t’ia mbathur, duke lënë mbrapa një “fushë të minuar” me shumë probleme sociale si “plaga” e pronave, administrata e korruptuar dhe e paaftë, arsimi i lartë gërmadhë, kaosi legalizimeve, bankat offshore, pasuritë në duart e 3% të popullsisë, ekonominë peng të koncesioneve, papunësinë e varfërinë ektreme, largimin e popullatës dhe shkretëtirën financiare me 85% borxh të huaj e vendas

Të urdhëruara nga kryeministri, dy ministret e “forta” të kabinetit qeveritar, Belinda Balluku e Energji-Infrastrukturës dhe Ogerta Manastirliu e Shëndetësisë, do të firmosin këto ditë, një koncesion të ri, specifik për nga lloji i shërbimit publik, në favor të një oligarkeje, kliente e afërt e Edi Ramës dhe e bashkëshortes së tij.

Bëhet fjalë, për koncesionin e WC-ve publike, me kabina të vendosura në mjedise të hapura, ku qytetarët, mund të kryejnë nevojat personale të momentit me pagesë, pa u detyruar të futen rrëzë pallateve, institucioneve, lulishteve e kafeneve

Sipas informacionit nga burime të Ministrisë së Infrastrukturës, rezulton se ky koncesion është PPP e pa kërkuar, paraqitur paralelisht nga dy oligarkë, dorëzuar si Projekt-Marrëveshje e gatshme prej tyre dhe e pranuar plotësisht nga kryeministri.

Me këtë koncesion, mendohet të zgjidhet, shqetësimi i madh i mungesës së WC-ve publike në Tiranë, të cilat siç dihet, u shkatërruan nga Edi Rama kur ishte kryebashkiak, duke u kthyer në sheshe ndërtimi kullash, hotelesh, karburantesh e restorantesh, madje WC-ja tek “Parku Rinia”, fillimisht u bë depo kokaine e më pas, motel nëntokësor personal, nga Beso i Tajvanit.

Projekti koncesionar, që tashmë është gati për t’u miratuar, do të jetë me afat 40-vjeçar dhe me vlerë 300 milionë euro, ose 100 milionë euro në vit, caktuar për Tiranën dhe 6 bashkitë e mëdha Durrës, Fier, Shkodër, Elbasan, Vlorë, Korçë, me 150 kabina “çift për meshkuj e femra në Tiranë dhe me nga 40 kabina të tilla, në 6 bashkitë e tjera.

Ky koncesion, nuk do të kalojë as për miratim formal në bashkitë përkatëse sespe quhet kompetencë qeveritare, ndërsa bashkitë, do të jenë në dispozicion të firmës që do t’i jepet, për të përcaktuar “hartën” e vendosjes së WC-ve, me qëllim që ato, të vendosen mbi pika shkarkimi ujërash të zeza, që të mos hapen kanalizime e të shqyhen trotuaret.

Sipas projektit, këto do to vendosen pranë intitucioneve qendrore e lokale, spitaleve, shkollave, terminaleve të transportit, tregjeve të hapur e qendrave tregtare, shesheve të qëndrimit të taksive, stadiumeve, stacioneve të autobusëve, shëtitoreve, pranë gjykatave e prokurorive, parqeve e këndeve të lojërave të fëmijëve, por dhe në rrugë e blloqe banimi të frekentuara.

Në plan biznesin e paraqitur, janë përcaktuar edhe çmimet e shërbimit, kundrejt pagesave që do të kenë miratimin e qeverisë, prej të cilave, është parashikuar që shteti të “hajë” vetëm 15% të të ardhurave dhe për afatin 40-veçar të rimbursojë aktivitetin privat, me 300 milionë euro në total për bashkitë.

Këtë PPP e kanë kërkuar dy oligarke të njohura, të lidhura në shumë “punë” me kryeministrin, të cilat para pak ditësh, kanë paraqitur në parlament një projekt ligj, për krijim tregu monopol të shitjes së cigareve me pakicë, njëra si importuese e distributor shumice, ndërsa tjetra, si shitëse pakice në kioskat monopol, dhënë nga Edi Rama në Tiranë e qytete të mëdha.

Fakti që po vonohet firmosja dhe shpallja e këtij koncesioni, me vlerë 300 milionë euro nga taksat publike, lidhet me mëdyshjen e kryeministrit, për të vendosur se cilës oligarke do t’ia jap këtë biznes fitim-prurës, që prodhom “mal” me miliona, me afat sa mosha e ministres Balluku./Pamfleti