Reagon Meta/ Kushtetuta njeh përgjegjës për Ministrinë e Jashtme Edi Ramën
Presidenti Ilir Meta ka komentuar sot kalimin e kompetencave të ministrisë së Jashtme nga Edi Rama, te zëvendësministri Genti Cakaj. I pyetur nga mediat, gjatë një ceremonie në qytetin e Kamzës, Presidenti Ilir Meta u shpreh se pavarësisht organizimit të brendshëm të qeverisë, Presidenti i Republikës ja ka deleguar autoritetin kushtetues të kreut të diplomacisë, Edi Ramës.
Kreu i shtetit u shpreh se “unë si President i Republikës respektoj Kushtetutën dhe i kam shumë të qarta kompetencat e mia se cilit institucion mund t’i delegoj autoritetin kushtetues për të lidhur marrëveshjet ndërkombëtare në emër të Republikës së Shqipërisë’.
Ditën e sotme, në ambientet e Ministrisë së Jashtme, kreu i qeverisë, Edi Rama prezantoi Gent Cakaj si zyrtarin që do të merret me çështjet e diplomacisë së shtetit shqiptar. Unë në funksionin tim si ministër i Jashtëm i delegoj zotit Gent Cakaj drejtimin e kësaj ministrie dhe përfaqësimin në institucionet ndërkombëtare”, u shpreh Rama.
Kandidatura e Cakajt në postin e ministrit të Jashtëm shkaktoi përplasje në distancë dhe prodhoi deklarata të forta mes Ramës dhe Metës, pasi nga Presidenti refuzoi që ta dekretonte.
Prononcimi i Presidentit Meta në Kamëz
Pyetje: Zoti President, cili është komenti juaj lidhur me vendimin e kryeministrit Rama për delegimin e kompetencave të tij si ministër i Jashtëm tek zv/ministri që ju nuk e dekretuat, z.Cakaj?
Presidenti Meta: Presidenti nuk ndërhyn dhe nuk komenton për aktet e organizimit të brendshëm të ekzekutivit apo të ministrive.
Unë si President i Republikës respektoj Kushtetutën dhe i kam shumë të qarta kompetencat e mia se cilit institucion mund t’i delegoj autoritetin kushtetues për të lidhur marrëveshjet ndërkombëtare në emër të Republikës së Shqipërisë.
VIDEO/Prononcimi i Presidentit Ilir MetaP
- ETIKETIMET
- Il