Berisha: Arben Ndoka ka fshehur 400 ton drogë

Aktualitet

Berisha denoncuar në Facebook se Arben Ndoka dhe vëllezërit e tij kanë në pronësi rreth 400 ton drogë, duke treguar dhe vendin ekzakt ku janë fshehur.

Duke iu referuar mesazhit të “oficerit dixhital të policisë”, Berisha shkruan se magazinat që ndodhen pas kalasë së Lezhës, krahut të lumit në ish-zonën industriale ruhen me policë.

Ja statusi i plote i z Berisha:

Oficeri dixhital denoncon:
400 tonelata droge ne magazinat e klanit drejtues te PS Lezhe, Ndoka qe ruhen me polici dhe roje te armatosur!
Lexoni mesazhin! sb

“Mbrëma z. Berisha!
Uroj të jeni mirë.
Jam oficer policie.Duke ju kërkuar ndjesë për orarin po ju informoj lidhur me një aktivitet ne fushën e narkotikëve. Pas kalasë së Lezhës duke ndjekur krahun e lumit e duke kaluar me drejtim nga vendi i quajtur “varri i Skenderbeut” (ish zona industriale ku prodhohej dikur rakia – kështu quhet vendi) dhe pikërisht ish magazinat e dikurshme të tregëtisë, vëllezërit NDOKA dhe me konkretisht vëllai i vogël i Arben Ndokës shtetasi Xhevahir Ndue Ndoka ka në pronësi ose administrim disa magazina. Ai disponon të magazinuara në to rreth 400 ton drogë të llojit “cannabis sativa” një nga sasitë më të mëdha në shqipëri. Theksohet se këto magazina ndodhen vetëm të korrurat e këtij viti në zonat e Lezhës, Matit, Krujës dhe një pjesë e mire e Dibrës ku ata kanë qenë tutorë të shumë sipërfaqeve të mëdha të mbjella por edhe për të tjerë lidhje të tyre duke dalë garant edhe për disa grupe të tjera në drejtim të magazinimit dhe më pas trafikimit….
Xhevahir Ndoka aktualisht punon në Prefekturën e Qarkut Lezhë por ka qënë dhe ky i implikuar në Itali në fushën e “Ushtrimit dhe tutorit të Prostitucionit”. Kanë aktivitet të fuqishëm në këtë shtet në fushën e narkotikëve. Mendohet se një prej sasive të madha të ngarkesës prej 8 – 10 tonësh që u kap me drejtim në itali përpara rreth rreth 2 muajsh (që ju kam vënë në dijeni Ju z. Kryetar) është e familjes “NDOKA”.
Informacioni është administruar së fundmi nga një lidhje e tyre i cili përpara 6-7 ditësh e ka parë magazinat dhe levizjet e automjeteve në aksin e asaj rruge e cila ruhet kryhesisht me Polici dhe njerëz të tyre.”

Fotografia e Sali Berisha