Çili provokon protestuesit. Do futem në çadrën e PD. Shkullaku: Je dezertor

Aktualitet

Henri Çili dhe analistit Armand Shkullaku janë perplasur mbreme ne emisionin “Opinion”. Gjithçka nisi kur Çili tha se mund të shkonte në çadrën e PD.

Çili: Do futem në çadër…

Shkullaku: Ty nuk të pranojnë.

Çili: Atje kanë pranuar punistë të vjetër jo mua që jam liberal.

Shkullaku: Atje pranojnë kundërshtarët, jo dezertorët…

Ndërkohë, po mbreme kryetari i Partisë Demokratike, Lulzim Basha, në një lidhje direkte nga çadra e protestës për emisionin “Opinion”, ka deklaruar se opozita nuk leviz nga vendimi i saj, ajo kërkon qeveri teknike dhe jo kokën e disa ministrave.

Kreu i opozitës, tregoi se largimi i atyre ministrave ka ardhur si pasojë e qeverisjes së Shqipërisë nga rivaliteti mes bandave.

Basha tha se është fakt se në Shqipëri nuk qeveriset nga politikanë të mirë dhe të këqinj, por nga bandat rivale mes tyre.

Ai tregoi se Edi Rama nuk qeveris me platformë politike, por me një filozofi bandash.

“Është zëvëndësuar përfaqësuesi i një bande me një bandë tjetër. Është zëvëndësuar me bandën e Hakmarrjes për Drejtësi”, tha Basha.

Basha theksoi se nuk ka pasur asnjë marrëveshje për t’u tërhequr nga protesta, e vërteta e hidhur është se largimi i ministrave të kabinetit ishte rezultat i përplasjes mes bandave, dy ministrat Klosi dhe Çuçi, erdhën si pasojë e konfliktit mes dy bandave që përfaqësohen nga Tahiri dhe Xhafaj, dy ministrat e tjerë janë gjethe fiku.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *