Kapen 52 kg droge në Greqi, që vinte nga Shqipëria.

Aktualitet

Kapet një sasi tjetër droge në Greqi, që vinte nga Shqipëria.

Një ngarkesë prej 52 kg lëndë narkotike e llojit kanabis u sekuestrua në Fusha e Kestrinës, në afërsi të kufirit shqiptaro-grek, në Igumenicë.

Sipas Antidrogës greke, 3 shqiptarë dhe një grek u arrestuan në flagrancë nën akuzën e trafikimit ndërkombëtar të lëndëve narkotike.

Policia tha se tre shqiptarët ishin transportuesit e drogës, ndërsa shtetasi grek porositësi i saj.

Nga verifikimi i dokumenteve rezultoi se shtetasit shqiptarë kishin hyrë në mënyrë të paligjshme në Greqi.

Ata u dërguan në gjykatën e Igumenicës, e cila vendosi masën e sigurisë me burg deri në përfundimin e hetimeve.