Enri Çeno: Më 18 shkurt unë nuk do të protestoj për pushtet.

Aktualitet

Do protestoj KUNDËR pushtetit. Protestat masive në Rumani treguan se nëse një popull ngrihet dhe qendron në këmbë, askush nuk është më i qetë në karriket e zyrave.

Kolltukofagët e parlamentit të Shqipërisë duhet ta kuptojnë se kolltuqet e tyre nuk janë të salduara në dysheme.

Le të jemi bashkë më 18 shkurt. Sa më e madhe të jetë protesta, aq më e madhe do të jetë përgjegjësia jonë për të bërë diçka ndryshe. Ka ardhur koha që kjo Shqipëri të ndryshojë.

Shqipërinë nuk mund ta ndryshojë Xhorxh Sorrosi, as sorrat e tij shqiptare të cilat e dinë edhe vetë se u ka ardhur fundi.

Jo shumë kohë më parë Papa Françesku tha për shqiptarët: “Shqiponjat fluturojnë lart”. Ato s’mund të fluturojnë me krahë të blerë, as me pendë të shitura. Ka ardhur koha që ne të marrim forcë në krahët tanë.

Më kot u fryn kryeministri velave prej betoni të Vangjushit. Anija e tij ka ngecur në cektinë prej kohësh dhe minjtë e koalicionit mavi po e braktisin atë përditë.

Ka ardhur koha që ne ngrihemi.

Më 18 shkurt le të jemi të gjithë bashkë